Tema e së ardhmes do të theksohet në edicionin e ardhshëm të DokuFest, i cili organizohet nga data 4-12 gusht në Prizren, Kosovë.
Ky edicion i DokuFest-it premton një vështrim të guximshëm në pasiguritë dhe shpresat e së ardhmes përmes një kombinimi të programit të filmave, ekspozitave vizuele, masterklasave dhe bisedave të ndryshme, punëtorive bashkëpunuese, koncerteve muzikore si dhe paltformave për përdorimin e mediave dhe teknologjive të reja, shkruan PrizrenPress.
“Ideja për temën e këtij edicioni erdhi sepse në vitet e fundit ka pasur lëvizje të mëdha nga qytetarë që përpiqen të kenë një zë më të fortë për të ardhmen e tyre. Programi ynë do të jetë një vështrim mes distopive dhe utopive, kufijve dhe çiltërsisë, frikës dhe dashurisë”, bën të ditur kordinatorja e komunikimit, Anyla Dautaj, përmes një komunikate për media.
Programi i plotë i filmave do të shpallet më 10 korrik 2017 në ueb faqen e festivalit. /PrizrenPress.com/