Anëtarët e organit më të lartë vendimmarrës lokal të Malishevës kanë miratuar disa vendime të rëndësishme.
Ndër pikat që është shqyrtuar në këtë seancë ka qenë edhe raporti i komisionit, i cili është marrë me verifikimin e dhënies në shfrytëzim të pronës publike, apo shpronësimin e saj, nga koha e Qeverisë së Përkohshme, e deri në vitin 2015, shkruan sot “Koha Ditore”.
Në një njoftim të Zyrës komunale të informimit thuhet se bazuar në këtë dokument ka mendime se në 19 raste mund të ketë parregullsi.
“Sipas raportit, në 19 raste, mendohet se mund të ketë parregullsi”, thuhet në komunikatën e ZI-së, në pjesën ku përshkruhet pika për raportin e komisionit, i cili është marrë me verifikimin e dhënies në shfrytëzim të pronës publike, apo shpronësimin e saj, nga koha e Qeverisë së Përkohshme, e deri në vitin 2015.
Ndërkohë, ndër vendimet e miratuara të KK-së është edhe ai për emërtimin e sheshit, tek ish-tregu i vjetër, me emrat e dëshmorëve: Sadik e Ramiz Shala dhe Haxhi Kleçka…