Kandidati për kryeministër nga radhët e koalicionit LAA, Avdullah Hoti, ka bërë të ditur emrin e kandidatit të Lidhjes Demokratike të Kosovës për të parin e Rahovecit në zgjedhjet lokale të 22 tetorit.
Ai përmes një postimi në Facebook ka shkruar se Ibrahim Kryeziu do të jetë kandidat i LDK-së për kryetar të Rahovecit.
Postimi i plotë:
Pas një diskutimi të gjerë me të gjitha strukturat e degës, Kryesia e Degës së LDK-së në Rahovec, në mbledhjen e datës 18.08.2017 ka aprovuar unanimisht kandidaturën e Ibrahim Kryeziut për kryetar të komunës dhe Dr. Fehmi Cenën si bartës liste për Asamble Komunave. Në këtë mbledhje është aprovuar edhe lista për asamble komunale ku janë të përfaqësuara të gjitha nëndegët, grupmoshat dhe profesionet. Të gjitha strukturat e degës janë të mobilizuara për të siguruar suksesin në këto zgjedhje.