Raporti i Zyrës së Avokaturës Publike Komunale ka shpalosur numrin e madh të padive ndaj Komunës së Prizrenit.
Organet komunale janë palë në më shumë se 4 mijë lëndë në Gjykatën Themelore, me ç’rast në rreth 3 mijë e 200 lëndë janë palë e paditur, shkruan sot “Koha Ditore”.
Në shumicën e rasteve, sipas këtij raporti, qytetarët dhe subjektet e tjera e kanë paditur Komunën për çështje të ndryshme.
“Në Gjykatën Themelore të Prizrenit, Komuna e Prizrenit prej gjithsej diku mbi 4 mijë lëndë sa ka në procedim e sipër, në 80 për qind të këtyre rasteve Komuna është palë e paditur si kundërpropozuese dhe si debitore, ndërsa në 20 për qind të të gjitha këtyre rasteve Komuna është paditëse, kreditore dhe propozuese”, shkruan në raportin e Zyrës së Avokaturës Publike Komunale për periudhën 2016-2017, i cili muaj më parë është dërguar te kryesuesi i KK-së dhe kryetari i Komunës…