Poeti, Abdullah Thaçi, është përkujtuar në dy vjetorin e vdekjes.
Krijuesit e kanë vlerësuar lartë krijimtarinë e Thaçit.
Prof.dr. Naser Pajaziti, tha se figura e Thaçit është e lartë .
“Ishte një burë i madh, një atdhetar dhe një poet i madh”, tha Pajaziti.
Bashkëpunëtori i poetit, Rexhep Gashi, ndërkaq evokoi momente të bashkëpunimit në shkollë .
Vajza e Abdullah Thaçit Alida Thaçi falënderoi bashkëpunëtorët e babait të saj, për përkujtimin, por edhe botimin e veprave të tij të lëna në dorëshkrim.
“Babai im i pati dy vendlindje, të cilat i deshi njësoj; Pejën ku u lind dhe u rrit dhe Prizrenin ku punoi tërë jetën e tij si profesor i lëndës së kimisë”, tha ajo.
“ Ai nuk ishte profesor i pedagogjisë, por nxënëseve u përcolli këshillat më të mira përmes vargjeve të tij duke ndikuar në edukimin e tyre”.
“ Ai nuk ishte psikolog po përmes vargjeve të tij hyri thellë dhe preku shpirtin e fëmijëve. Fjala e tij e skalitur me aq dashuri dhe ëmbëlsi prej prindi gjyshi mësuesi e edukatori ngrohu fëmijët që i deshi shumë”, tha e bija e Abdullah Thaçit.
Ora letrare është mbajtur nën organizim të Shoqatës për Kulturë dhe Art “Fidani” dhe Biblioteka Ndërkomunale në Prizren.
Poeti Abdullah Thaçi, ishte mjaft produktiv në letrat shqipe, e në veçanti në letërsinë për fëmijë.
U lind në fshatin Novosellë të Pejës më 1942, kurse vdiq vitin e kaluar. Shkollimin fillorë e ka mbaruar në vendlindje, të mesmen në Pejë, ndërsa Fakultetin e shkencave të natyrës, dega e Kimisë, në Universitetin e Prishtinës.
Në kohë të gjatë, punon si profesor në Gjimnazin e Prizrenit. Disa nga veprat e tija, janë; “Lumi i dritës”, 1980, “Treni i bardhë”, 1982, “Duke pritur ylberin”, 1983, “Piknik poetik”, 1986, “Anës Drinit”, 1989, “Ani, Kosovë, ani”, 1994, etj/PrizrenPress.com/