Drejtuesit e degës së AAK-së në Prizren, të mërkurën, kanë konfirmuar se degët e partive shqiptare në këtë qytet kanë iniciuar përpjekjen për krijimin e një blloku anti-PDK në prag të zgjedhjeve të raundit të dytë për kryetar të Prizrenit, shkruan sot Koha Ditore.
Në partinë që ka bashkëqeverisur me PDK-në në mandatin e kaluar kanë pranuar se kanë pasur kontakte e takime me përfaqësuesit e dy taborëve politikë që janë pjesë e balotazhit në këtë komunë, por se ende është herët të flitet për ndonjë marrëveshje eventuale.
Kryetari i degës së AAK-së, Lulzim Kabashi, ka bërë të ditur se tashmë është përmendur ideja e bashkimit të partive shqiptare kundër PDK-së në Prizren.