Hatim Baxhaku i LDK-së thotë se në balotazh do të mbështes ndryshimin. Sipas tij, Prizreni ka nevojë për një ndryshim rrënjësor.
“Arsyeja pse kam kandiduar për kryetar të Prizrenit, ka qenë ndryshimi i gjendjes në këtë qytet. Edhe pas asaj që ndodhi me rezultate, unë vazhdoj të mbështesë ndryshimin”, tha Baxhaku “PrizrenPress”.
Hatim Baxhaku në zgjedhjet lokale ka qenë kandidat i LDK-së për kryetar të Prizrenit. Ai, nuk ka arrit të hyjë në balotazh, pasi që është rëndit i treti në garë.
Pas humbjes, Baxhaku, publikisht ka dalë në mbështetje të kandidatit të Vetëvendosjes, Mytaher Haskuka.
“Unë e kam shprehur mendimin tim për balotazh”.
Baxhaku tha se është duke pritur vendimin përfundimtar të partisë për balotazhin e Prizrenit.
“Nuk mund të dalë jashtë partisë. Besoj këto ditë partia do të dal me një qëndrim zyrtar dhe pastaj do të shikojë se si do të mbështesë ndryshimin”, tha ai. /PrizrenPress.com/