Në ditën e fundit të fushatës zgjedhore kandidati për kryetar të Prizrenit, nga Lëvizja Vetëvendosje!, Mytaher Haskuka, ka përzgjedhur që tek qytetarët të përçoje problemin e ecjes së lirë nëpër trotuare si dhe në përgjithësi të pronës publike. Projekti “Prizreni qytet i gjelbër”, nga Mytaher Haskuka është vënë në një nga prioritet e zotimeve të tij.
Ffillimisht, do të formohet një ekip i cili do të bëjë rigjenerimin urban, ky ekip do të përbëhet nga specilistë të fushave përkatëse me qëllim që Komuna e Prizrenit të krijojë sa më shumë hapësira të gjelbra dhe rekreative për çdo lagje dhe për çdo fshat.
Se Prizreni është në një kaos urban kjo nuk ka dyshime. Aktualisht Prizreni nuk ka plan zhvillimor. Edhe pse ka filluar hartimi i hartës zonale , ky proces është jo transparent. Ndërsa planet rregulluese urbane bëhen për interesa të bizneseve e jo të qytetarëve, janë shprehur përfaqësues të shoqërisë civile në këtë qytet.
Në oret e mbrëmjes, kandidati për kryetar të Prizrenit nga VV, Mytaher Haskuka ka vazhduar me takime me qytetarë të komunës së Prizrenit.