Kongresmeni amerikan, Eliot Engel , i cili po qëndron në një vizitë në Republikën e Kosovës, të dielën ka vizituar edhe Këshillin e Bashkësisë Islame të Prizrenit. Drejtues të KBI-së në Prizren, thanë se ishte kënaqësi e veçantë të takosh mikun e sinqertë të Kosovës dhe shqiptarëve.
E falënderuam përzemërsisht mysafirin e nderuar, për avokimin që i ka bërë çështjes së Kosovës në arenën ndërkombëtare, në kohërat më të vështira për ne. Mirënjohje e përhershme për Kongresmenin dhe SHBA-të, për kontributin e tyre të jashtëzakonshëm, për lirinë, pavarësinë dhe shtetndërtimin e Republikës së Kosovës, theksuan drejtues të Këshillit të Bashkësisë Islame në Prizren.