Kryetari i Nismës në Prizren, Zafir Berisha, paralajmëron se vendimin e PZAP-së, bashkë me partnerin e koalicionit, VV-në, do ta dërgojnë në Gjykatën Supreme të Kosovës.
“Vendimin e PZAP-së si shërbëtore e krimit të organizuar do ta qojmë në Gjykatën Supreme”, shkruan Berisha në Facebook, transmeton “PrizrenPress”.
Paneli Zgjedhor për Ankesa dhe Parashtresa (PZAP), ka vendosur të qoj në rinumërim të gjitha votat në Prishtinë dhe Prizren.
PZAP ka theksuar se është urdhëruar KQZ që votat e regjistruara gabimisht kandidatit për kryetar të PDK-së për Prizren ti regjistrohen kandidatit për kryetar të LVV-së për Komunën e Prizrenit.
Berisha thotë ndërkaq se partia që vjedhë ka dalë humbëse në zgjedhjet e fundit.
“Rinumrimi mundë ta thellojë fitoren e ekipit që luftoj për çlirimin e Prizrenit nga hajdutët dhe bandat kriminale”, shprehet ai.
“Fuqia e qytetarëve tejkalon fuqinë e institucioneve të kapura, kështu që çdo tendencë për tjetërsim të vullnetit qytetar mundet me ju dalë ” dardhë me bisht”!”
“Hajdutë dhe mbështetës të kësaj fare të fëlliqur, e di që jeni të tronditur nga grushti i qytetarëve që ju dha me 19 nëntor, prandaj duhet ta pranoni realitetin, përndryshe grushti i qytetarëve di me qen edhe më i rendë…”.
“PZAP për me marr vendim për rinumërim duhet me pas fakte sepse nuk është institucion për plotësim dëshirash!”.
“Poshtërsia nuk ka fund!”.
“PZAP me një ankesë të kërkoj rinumrim për 219 vendvotime nuk ka koment!”
“ PZAP ka kohë që është dëshmuar që është dorë e zgjatur e krimit të organizuar prandaj edhe s’bën me u befasuar shumë”./PrizrenPress.com/