Paneli Zgjedhor për Ankesa dhe Parashtresa ka vendosur lidhur me të gjitha ankesat e paraqitura nga subjektet politike për parregullsitë në ditën e votimit për kandidatë për kryetar të komunave në raundin dytë.
“Për këto parregullsi ne PZAP janë paraqitur 10 ankesa.
2 ankesa i ka paraqitur Alternativa,
4 ankesa i ka paraqitur LDK,
1 ankesë ka paraqitur LVV në Prizren,
3 ankesa ka paraqitur PDK-ja”, njofton PZAP, përcjellë Klan Kosova.
Katër ankesat e LDK-së janë pranuar, tre për komunën e Prishtinës dhe një për atë të Dragashit.
Pos Prishtinës dhe Prizrenit që do të shkojnë në rinumërim të gjitha vendvotimet, vendim është marrë që në Komunën e Dragashit të rinumërohen 35 vendvotime dhe tre në Komunën e Rahovecit.