Dështimi eventual i zgjedhjes së kryesuesit të Kuvendit në Prizren, në seancën e 15 janarit, do t’i lëkundte ndjeshëm marrëveshjet me partnerët e koalicionit. Kështu që zgjedhja e kryesuesit të KK të Prizrenit, do të jetë testi i parë serioz për Lëvizjen Vetëvendosje në përpjekjen e saj për krijimin e Qeverisë gjithëpërfshirëse në nivelin lokal. Aktualisht përfaqësuesit e LVV-së kanë pohuar se me aleatët e tyre politikë kanë siguruar shumicën për zgjedhjen e kryesuesit.
Nga ana tjetër edhe PDK-ja pritet që të dalë me një propozim për kryesues të KK-së dhe po koordinohet me partitë e tjera për të siguruar shumicën e votave, shkruan sot Koha Ditore.
Kryetari Mytaher Haskuka tashti ka konvokuar mbledhjen e KK-së për 15 janar, me pikën e vetme të rendit të ditës për zgjedhjen e kryesuesit të organit më të lartë vendimmarrës lokal.
Burime brenda LVV-së kanë theksuar se kandidati i saj për kryesues të KK-së është këshilltari Artan Abrashi dhe se mbështetja për të e përcakton ecurinë e mëtejme të formimit të Qeverisë lokale…