Nisma për ndërtimin e një qendre të re të paraburgimit në Prizren ka mbetur në pikën zero.
Dy vjet pas dërgimit të kërkesës në Komunën e Prizrenit për gjetjen e një lokacioni të përshtatshëm për Qendrën e re të Paraburgimit, drejtuesit e Ministrisë së Drejtësisë kanë pranuar se nuk ka pasur përparim drejt realizimit të këtij projekti, shkruan sot “Koha Ditore”.
Madje, ministri i MD-së, Abelard Tahiri, ka bërë të ditur se nuk ka as mjete financiare për këtë qëllim. “Me këtë projekt nuk është lëvizur përpara. Nuk është në projektbuxhetin e vitit 2018 ndërtimi i një qendre të paraburgimit në Prizren”, ka thënë ministri i Drejtësisë, Abelard Tahiri.
Në të njëjtën kohë ai ka theksuar se Qendra ekzistuese e Paraburgimit në Prizren nuk i plotëson kushtet për trajtimin e të burgosurve dhe po ashtu nuk e ka përjashtuar as mundësinë për mbylljen e saj..