Gjashtë persona janë lënduar në një aksident trafiku që ka ndodhur sot në fshatin Gjonaj të Hasit, bën të ditur Policia e Kosovës përmes një komunikate për media.
Aksidenti raportohet se ka ndodhur rreth orës 17:40 ndërmjet dy veturave, transmeton Koha.net.
“Rreth orës 17:40 minuta në fshatin Gjonaj në Has ka ndodhur një aksident në mes të dy veturave të cilin kanë pësuar lëndime trupore gjashtë persona. Shkaktar i aksidentit dyshohet të jetë mospërshtatja e shpejtësisë së lëvizjes me kushtet dhe rrethanat në rrugë”, thuhet në komunikatë.
Të lënduarit janë trajtuar në emergjencën e spitalit rajonal në Prizren.