Anësori i Paris Saint-Germainit, Angel di Maria, ka insistuar se nuk do ta kishte problem të luante për Barcelonën, përkundër lidhjeve që ka me Real Madridin.
Argjentinasi për katër vjet luajti te Reali, duke fituar Ligën e Kampionëve, La Ligën dhe katër trofe tjerë.
Barcelona dështoi në transferimin e Di Marias gjatë verës së kaluar, por mediat raportojnë se klubi spanjoll mund të ngjall interesimin për të gjatë kësaj vere.
“Lidhja ime me Real Madridin ka përfunduar. Cikli me ata është mbyllur vjet më parë. Sinqerisht, nuk do ta kisha problem të luaja për Barcelonën”, ka thënë Di Maria.