Ish-mesfushori i Real Madrid, Xabi Alonso, mund të rrezikojë edhe burgimin, pasi akuzohet për evazion fiskal.
Prokurori në Spanjë ka kërkuar për Alonson deri në pesë vite burgim, e madje edhe dënim prej 4 milionë eurosh, pasi akuzohet se nuk ka paguar tatim në vlerë prej 2 milionë euro në mes viteve 2010 – 2012.
Fillimisht rasti ishte hedhur poshtë, por u rihap përsëri në fillim të këtij viti dhe Alonso nuk ka pranuar se ka bërë ndonjë gabim.
Në fakt, dënim i njëjtë po kërkohet edhe për këshilltarin financiar të futbollistit, Ivan Zaldua dhe prokurorët janë duke kërkuar me ngulm që Alonso duhet me patjetër të paguaj shumë prej 2 milionë euro, për të cilën akuzohet se ka bërë evazionin fiskal.
36 vjeçari, i cili ka qenë pjesë e skuadrave si Liverpool, Real Madrid e Bayern Munchen, është vetëm njëri nga disa futbollist, të cilët së fundmi janë duke u përndjekur për evazion fiskal nga autoritetet tatimore të Spanjës.
Muajin e kaluar, lojtari i Manchester United, Alexis Sanchez, mori 16 muaj dënim me burgim jo efektiv, për shkak ta dështimit të pagesës së taksave.
Tek skuadra e Real Madrid, ish-trajneri Jose Mourinho, mbrojtësi Marcelo dhe Cristiano Ronaldo së fundmi, të gjithë kanë qenë të ngatërruar me akuza për evazion fiskal. /Insporti.com