Sezonin e ri mund ta nisë në një klub poashtu të ri.
Menaxheri i tanishëm i Chelsea, Antonio Conte, ka gjasë që të largohet drejt Paris Saint-Germain.
Italiani thuhet se ka zhvilluar bisedime me përfaqësuesit e klubit nga Parc des Princes. Francezët janë duke provuar që ta bindin atë që t’u bashkohet këtë verë, shkruan Guardian, përcjell Klan Kosova.
PSG do që t’i ndajë rrugët me trajnerin Unai Emery me të përfunduar sezoni kur edhe i skadon kontrata.
Më i afërti që mund ta zëvendësojë atë në stolin e parisienëve është Conte – të cilin presidenti i klubit, Nasser Al-Khelaifi e sheh si zëvendësuesin më të denjë.