Mesfushori Valon Behrami nuk do të paraqitet për Zvicrën në ndeshjen miqësore kundër Panamasë.
Ndeshja Zvicër – Panama do të zhvillohet të martën (sot, 19:00) në Luzern, por Behrami nuk është i gatshëm. Futbollisti 32-vjeçar i Udineses është ankuar për probleme muskulore dhe është detyruar të largohet nga kampi i Zvicrës.
“Valon Behrami nuk do të luajë të martën në Luzern për Zvicrën ndaj Panamasë. Mesfushori është ankuar të hënën se ka pasur probleme me muskuj. Lëndimi e detyroi të largohej menjëherë nga kampi për të filluar menjëherë me terapinë e duhur për të qenë i gatshëm për ndeshjen e së shtunës që Udinese e luan ndaj Atalantas në kuadër të Serie A”, njoftoi “ticinonews.ch”.
Për shkak të problemeve fizike nuk është grumbulluar as futbollisti tjetër shqiptar, Xherdan Shaqiri.