Portieri i Manchester United, David De Gea ka kohë që ka qenë pjesë e spekulimeve të shumta, lidhur me të ardhmen e tij në “Old Trafford’.
Normalisht në mesin e këtyre spekulimeve ishte kalimi i tij tek skuadra e Real Madrid dhe më në fund spanjolli është shprehur vet, lidhur me të gjitha zërat për një largim të mundshëm.
David De Gea është shprehur se është i lumtur në Angli dhe nuk e mendon rikthimin në Spanjë.
“Unë jam i lumtur në Angli me Manchester United, ku jam duke marrë më shumë gjëra dhe përvojë se sa që do ta bëja në Spanjë”, tha De Gea.
“Dashuria të cilën ma dhurojnë tek Manchester United është e paimagjinueshme dhe për këtë arsye jam shumë i kënaqur atje, se që do isha në ndonjë klub spanjoll”, u shpreh portieri i Man. United dhe i Spanjës.
Me këtë deklaratë, David De Gea, në njërën anë ai i ka qetësuar drejtuesit dhe tifozët e Manchester United, kurse ka bërë të ditur se Real Madrid, duhet të kërkojë diku tjetër një gardian i cili do të zëvendësonte Keylor Navas.
Ky prononcim i portierit 27 vjeçar, vjen pikërisht në momentin kur drejtuesit e “Djajve të Kuq”, po bëhen gati t’i rinovojnë kontratën atij, me një rritje të dukshme të pagës, në mënyrë që ta blindojnë të ardhmen e tij në “Old Trafford”. /Insporti.com