Gianluigi Buffon e ka quajtur kafshë referin Michael Oliver që ia dha një penalti Real Madridit mbrëmë në Ligën e Kampionëve.
Cristiano Ronaldo realizoi nga pika e bardhë në minutën e fundit të ndeshjes me ç’rast e kualifikoi klubin mbretëror në gjysmëfinale.
“Ishte i një kafshe, një bishe, jo i një qenie njerëzore”, tha Buffon për vendimin e referit.
“Nëse referi nuk e ka kurajën dhe personalitetin që ta menaxhojë lojën në fushë, atëherë ai duhet të rrijë në tribuna bashkë me gruan dhe të hajë çipsa”.
“Në sekondat e fundit të lojës shtesë, referi nuk mund ta japë një penalti që është ekstremisht e dyshimtë. Ai nuk mund të shkatërrojë gjithçka ashtu”.
“Dikush duhet të paguajë, ashtu si paguan çdokush”, u tha Buffon reporterëve.
“Referi bëri atë që u desh ta bëjë: problemi është ky. Ai nuk kishte ndjeshmëri, as qetësi. Nënkupton që nuk e di se ku je, se me çfarë ekipe përballesh, se çfarë është futbolli: në të vërtetë nuk di gjë të m*tit”.
“Nëse ke cinizëm për ta akorduar një penalti asisoj në minutën e 93-të, nuk je njeri, je kafshë”, përfundoi ai.