Komuna e Rahovecit më 2 maj do të organizojë aksionin për pastrim në gjithë territorin e kësaj komune.
Kjo është vendosur në mbledhjen e sotme të Qeverisë Komunale me drejtorë komunalë, e cila u kryesua nga kryetari i Komunës së Rahovecit, Smajl Latifi.
Në mbledhje është biseduar për fillimin e ndërrimit të dytë në AMF-të, në fshatrat Krushë e Madhe dhe Ratkoc.
Po ashtu gjatë mbledhje është diskutuar edhe për organizimin e festivalit të Folklorit “Anadrina Jehon 2018”, që do të mbahet në fshatin Dejnë, dhe që organizohet nën përkujdesjen e kryetarit të Komunës.
Kryetari Latifi ka kërkuar nga të gjithë drejtorët e drejtorive, që të rrisnin angazhim edhe më tutje për punët, të cilët i presin në ditët në vazhdim.