Xherdan Shaqiri mund të largohet në fund të këtij edicioni nga Stoke City, ndërsa për mediet angleze ka thënë se për të ardhmen e tij do të vendosë pas përfundimit të kampionatit. Nëse Stoke nuk arrin të mbijetojë në Ligën Premiere, atëherë Shaqiri do të kërkojë një skuadër tjetër.
“Të gjithë e dinë se unë jam një lojtar që dëshiron të luajë në nivelin më të lartë. Kjo është normale, por kam ende një kontratë dyvjeçare dhe së pari duhet të shohim se çfarë ndodh këtu. Jam i lumtur për momentin, duhet të ulemi pas sezonit të diskutojmë. Jm i përqendruar tani vetëm në këto dy ndeshjet e fundit dhe të përpiqem ta mbaj këtë klub në Ligën Premiere”, ka thënë anëtari i Përfaqësueses së Zvicrës.