Zëvendësministri i Kulturës, Rinise dhe Sportit, Rexhep Hoti, priti në takim drejtorin e Shtëpisë së Kulturës në Bujanoc, Jetmir Ismailin, i shoqëruar nga koordinatori i Shtëpisë së Kulturës, Nevzad Lutfiu.
Përmes një komunikate për media bëhet e ditur se në takim u diskutua rreth përkrahjes dhe mbështetjes për artistët e rinj nga Kosova Lindore, e sidomos në promovimin e vlerave artistike për komunitetin shqiptar në këtë komunë.
“Përfaqësuesit nga Bujanoci kërkuan nga institucionet kosovare, gjegjësisht nga Ministria e Kulturës, që të mbështesë aktivitetet kulturore, si dhe të rritet bashkëpunimi në fushën e kulturës”, thuhet në komunikatë.
Në fund, u kërkua që Bujanoci të vizitohet nga krerët e institucionit të MKRS-së dhe të rritet kontakti e komunikimi nga Kosova me këtë komunë.