Një ngjarje e rëndë është regjistruar në qytetin e Vlorës mesditën e sotme. Një 18-vjeçare ka humbur ndjenjat në klasë teksa po kryente provimin, në shkollën “Jani Minga”.
Pasi ka humbur ndjenjat mbi bankë, vajzës së identifikuar si Gerta Kasa i është bërë fyrmëmarrje artificiale në përpjekje për të përmirësuar gjendjen e saj, por personat që i kanë ardhur në ndihmë kanë kuptuar se nxënësja ka qenë thuajse pa puls.
Vajza është transportuar menjëherë për në spital, por ka ndërruar jetë në ambulancë gjatë rrugës.
18-vjeçarja jetonte me gjyshen e saj dhe mësohet se vuante nga epilepsia. Policia ka shoqëruar në ambientet e komisariatit Vlorë mësuesen kujdestare dhe shoqet e klasës.
Ndërkohë trupi i vajzës do t’i nënshtrohet ekspertizës mjekoligjore për të zbardhur shkakun e vdekjes së saj, pavarësisht se dyshohet se vdekja ishte natyrale.