Sot me fillim në ora 16:00 zhvillohet ndeshja e parë e 1/8-ës së finales në Kupën e Botës “Rusia 2018”, me një përballje e cila po cilësohet edhe si një finale para finales, pasi ndeshen Franca dhe Argjentina.
Ylli i Barcelonës dhe i kombëtares së Argjentinës, Lionel Messi, do të zbresë në fushë me një pamje tjetër në takimin kundër “Gjelave”.
Në seancën e fundit stërvitore të zhvilluar me dyer të hapura për tifozët, “pleshti” është paraqitur me një pamje të re.
Një model disi më agresiv, me flokët e prera, ndoshta edhe për ta motivuar më shumë skuadrën, që kërkon kualifikimin në çerekfinale.
E gjithë Argjentina pret nga këmbët e 5 herë fituesit të “Topit të Artë”, magjinë në këtë ndeshje dhe tifozët urojnë që tersi i ndeshjeve në grupe të ketë përfunduar me modelin e vjetër të flokëve të Messit. /Insporti.com
