Qendra Historike e Prizrenit mbrohet me ligj.
Bazuar në Ligjin për Qendrën Historike, për çfarëdo ndërhyrje apo rregullim, komuna e Prizrenit është e obliguar që të marrë leje apo pëlqimin e Qendrës Rajonale për Trashëgiminë Kulturore, raporton KTV.
Por ligjin në fjalë nuk e ka respektuar komuna, e cila ka nisur rregullimin e kubëzave te ura “Artasas” te shatërvani pa e njoftuar fare këtë qendër.
Veç kësaj, në mungesë të një vendimi, Qendra Historike e Prizrenit është kthyer në një gjendje kaotike nga reklamat e vendosura aty dhe mungesa e shenjëzimit.
Këtë shqetësim e ka ngritur, përmes një reklame të improvizuar të vënë ilegalisht nga organizata joqeveritare “Ec ma ndryshe”.
Aty shkruan se më tepër se 200 reklama nga biznese dhe parti të ndryshme po e shkelin ligjin dhe vendimin në fuqi për këtë qendër historike.
Por në Komunë thonë se nuk kanë shumë kompetenca për të ndërhyrë në përmirësimin e kësaj gjendjeje.