Një kryetar komune në Filipine, i cili fitoi famë për ekspozimin e personave të arrestuar për drogë u qëllua dhe u vra nga një snajper në një ceremoni të ngritjes së flamurit në sallën e qytetit Tanauan sot në mëngjes, raporton CNN.
Kryetari i bashkisë Tanauan, Antonio Halili u vra nga një goditje e vetme në gjoks nga një sulmues i panjohur, tha komandanti i policies, Renato Mercado për CNN, në një goditje të kapur në video që tregoi skena të panikut pas gjuajtjes.
Në video, Halili shihet duke qëndruar në një linjë me punonjësit e qeverisë, ndërsa flamuri është ngritur dhe pjesëmarrësit filluan të këndojnë himnin kombëtar.
Ndërsa kamera largohet për të filmuar një grup tjetër, dëgjohet një goditje e vetme, e ndjekur nga britmat dhe zëri i një gruaje, duke thënë “oh my God” në anglisht. Ndërsa viktima nuk shihet në kamerë, pasi është shkrepur arma, përmbajtja e videos mund të jetë shqetësuese për disa shikues.
Sigurimi i kryetarit të komunës i ktheu gjuajtjet, sipas Agjencisë së lajmeve të Filipineve (PNA), duke shkaktuar panik.
Gerry Laresma, punonjëse e qeverisë që e bëri videon, tha për PNA se nuk ishte e qartë se nga erdhi e shtëna. Ai tha se Halili kishte marrë kërcënime me vdekje për shkak të përpjekjes së tij të fortë kundër krimit.
Kryeinspektori i Provincës, Edward E. Caranza tha për PNA se plumbi u shkrep nga një distancë, me gjasë duke përdorur një pushkë të kalibrit 5.56 ose 7.62 me fuqi të lartë.
Halili u deklarua i vdekur në spitalin Memorial të Reyes në qytet më pak se një orë pasi u qëllua rreth orës 8 të hënën, ka thënë mjeku Alexander Carandang.
Drejtori i Përgjithshëm i Policisë Filipineze, Oscar Albayalde tha se një grup rajonal i punës i posaçëm ishte mbledhur për të hetuar vrasjen, sipas CNN në Filipine, dhe se parada e të dyshuarve po konsiderohej si një motiv.
Zëdhënësi presidencial, Harry Roque e dënoi vrasjen duke thënë se Halili ishte një aleat i Dutertes dhe se drejtësia do të vihej në vend.