Përfshirja e të miturve në aktivitete kriminale është kthyer në shqetësim në Prizren.
Për gjashtë muaj, në këtë qytet, rreth 118 fëmijë janë përfshirë në vepra të ndryshme penale.
Drejtori i Punës Mirëqenies Sociale, Fejzë Kabashi tha se numri i të miturëve të përfshirë në vepra të ndryshme kriminale është shqetësuese.
Sipas tij, dukuria e delikuencës së të miturve shkakton shqetësim për shoqërinë në Prizren.
“Tek ne janë regjistruar 118 raste të fëmijëve që janë përfshirë në vepra penal”, tha Kabashi për “PrizrenPress”.
Ai tregon, se fëmijët sipas rasteve të raportuara, janë përfshirë në kundërvajtje, lëndime trupore, vjedhje dhe vepra të tjera penale.
“Rastet janë raportuar nga Prokuroria dhe Gjykata”, tha Kabashi.
Sipas psikologëve të shumtë, delikuenca e të miturve në Prizren, është pasojë e mosfunksionimit të duhur të relacionit fëmijë-familje-mjedis shkollë, ku mënyra e funksionimit të sistemit të arsimit, paraqet ndikim të madh./PrizrenPress.com/