Në kohën kur Qeveria e Kosovës po kërkon largimin e EULEX-it, dhjetëra zyrtarë të partisë në pushtet janë nën hetime nga prokurorët e këtij misioni.
267 raste hetimesh, duke i përfshirë korrupsionin dhe krimet e luftës janë duke u hetuar nga prokurorët evropianë e amerikanë, largimin e të cilëve po e do më së shumti ministri i Drejtësisë, Hajredin Kuçi, shkruan “Koha Ditore”.
Pos rasteve në hetim, dhjetëra raste janë duke u gjykuar. Shumica prej atyre që cilësohen raste të profilit të lartë janë anëtarë të Partisë Demokratike të Kosovës në pushtet, pjesë së cilës është edhe Kuçi.
Sami Lushtaku e Ramadan Muja janë dy prej anëtarëve të PDK-së që janë në procedurë penale. Njëri për krime lufte, e tjetri për korrupsion.
Të dy kryetarë komunash në detyrë dhe kandidatë edhe për nga një mandat të dominuar nga vet kryeministri Hashim Thaçi. Ata janë duke u ndjekur nga prokurorë të EULEX-it.