Takimi ndërmjet Rahovecit dhe Ponte Prizrenit ka qenë pika më e ndritshme e xhiros së pestë të Superligës së Kosovës në basketboll dhe finishin e pati më dramatikun këtë sezon.
Reahoveci kishte epërsi 100:96, kur kishin mbetur 1 minutë e 32 sekonda deri në fund të ndeshjes, por basketbollistët e këtij ekipi më pas huqin 3 nga 4 gjuajtjet e lira, pas dy gabimeve personale të mysafirëve.
Me 101:96 ekipet hynë në sekondat fundit dhe Insporti ju sjell pamjet e Klan Kosovës kur Scott shënoi treshe për Ponte Prizrenin dhe e ktheu ekipin e tij në lojë, 101:99.
Në aksionin e fundit basketbollistët vendës, sërish, huqin duke i dhënë mundësinë e artë Scott që ta barazojë rezultatin.
Edhe pse e mori topin rreth 7 metra nga koshi kundërshtar dhe në radius prej 3 metrave nuk e kishte asnjë lojtar kundërshtar, Scott tentoi për treshe dhe fitore dhe nuk shkoi për shënim për 2 pikë dhe barazim të rezultatit.
Kjo bëri që Rahoveci të fitojë 101:99, duke arritur pesë fitore nga pesë ndeshje dhe duke u bërë një nga dy ekipet me start të përsosur, bashkë me Z Mobile Prishtinën.
Përndryshe, basketbolli i treguar ishte interesant, kryesisht sepse asnjëri ekip nuk luajti mbrojtje të mirë dhe u shënuan 200 pikë.
Rahoveci ishte në epërsi pas pjesës së parë 48:43, kurse në çerekun e tretë Ponte Prizreni shënoi 32 pikë dhe pas këtij dhjetë minutëshi shumë efektiv, për një kohë ishte në epërsi që shkoi deri në 7 pikë.
Megjithatë në fund, ishin basketbollistët e Bujar Locit, që shënuan fitore në Gjakovë, ku Rahoveci po vazhdon ti vazhdojë ndeshjet si vendës.
T