Rrahje mes tre personave në Dragash, arrestohet njëri prej tyre

Një rrahje mes disa personave është raportuar në fshatin Breznë të Dragashit.

Policia ka njoftuar se pas një mosmarrëveshje lidhur me një pagesë për punën e kryer, tre persona janë rrahur mes vete.

Si pasojë e lëndimeve të marra, tre të dyshuarit janë dërguar për tretman mjekësor në Spitalin Rajonal në Prizren.

Policia ka njoftuar se njëri nga të dyshuarit është hospitalizuar, kurse dy të dyshuarit e tjerët janë liruar.

Me vendim të prokurorit, pas intervistimit njëri nga të dyshuarit është dërguar në qendrën e mbajtjes.