Lëvizja Vetëvendosje! në Sharr, ka prezantuar rezultatet e problemeve dhe kërkesave të qytetarëve, të nxjerra nga anketimi. Rreth 50 qytetarë te Komunës së Sharrit kanë rreshtuar 10 problemet të cilat mendojnë se janë të pazgjidhura.
Shtabi zgjedhor i Qendrës së VV-së në Sharr pasi kanë analizuar brengat dhe problemet e qytetarëve, konsiderojnë se flet për një gjendje të rëndë në Komunën e Sharrit, me mungesa edhe të kushteve elementare për një jetë modeste të qytetarëve.
“Këto pakënaqësi dhe brenga të shprehura, Lëvizja Vetëvendosje! do t’i përfshijë të gjitha në Alternativën e saj qeverisëse për këto zgjedhje lokale”, thuhet në kumtesë.
Në këtë aktivitet kanë marrë pjesë edhe disa pjesëtare të minoritetit goran, të cilët edhe ata i kanë shprehur brengat e tyre./PrizrenPress.com/
Tabela e përmbledhëse e problemeve të paraqitura nga qytetarët:
1. Furnizimi me ujë 67%
2. Pastrimi i Mjedisit 34%
3. Arsimi 58%
4. Hapësirat kulturore e Sportive 60%
5. Trafiku urban dhe ndërurban 46%
6. Migrimi i te rinjve 60%
7. Funksionalizimi i Bashkësive lokale 39.5 %
8. Fondi emergjent 32.5
9. Mirëmbajtja e rrugëve ne stinën e dimrit 53%
10. Zhvendosja e tregut 55.8%