Në kuadër të fushatës “Ta pastrojmë Kosovën”, komuna e Rahovecit sot ka vazhduar aktivitetin për largimin e mbeturinave.
Aksionit për largimin e mbeturinave i është bashkuar edhe kryetari i komunës Smajl Latifi, organizata mjedisor “Ta pastrojmë Kosovën”, qytetar të shumtë dhe nxënës të shkollave.
Qëllimi i këtij aksioni është sensibilizimi dhe krijimi i një praktike tek qytetarët, se hedhja e mbeturinave shkatërron mjedisin dhe shëndetin t si dhe u bë thirrje që qytetarët të rrisin vetëdijen për kujdesin ndaj mjedisit, dhe institucionet të vazhdojnë me gjobitjen e ndotësve, në bazë të legjislacionit në fuqi.
Gjatë këtij aksioni janë pastruar vendi te varrezat e dëshmorëve dhe rruga Rahovec-Drenoc, tek ura e Drenocit.