Deputeti i Lëvizjes Vetëvendosje! Arbër Rexhaj thotë se Gjykata Speciale do të kriminalizojë UÇK-në.
Ai, fajëson presidentin, Hashim Thaçi dhe PDK-së, për formimin e kësaj gjykate.
“Gjykata Speciale në 10 vitet e ardhshme do ta demonizojë dhe kriminalizojë UÇK-në!”, shprehet Rexhaj, shkruan “PrizrenPress”.
“Tani është vetëm fillimi”.
“Në muajt dhe vitet në vazhdim në vend të çlirimtarit të vendit, Hashim Thaçi dhe PDK-ja ia ka mundësuar Serbisë që çlirimtari i vendit tonë të shndërrohet në agresor dhe kriminel lufte!”.
“Përkundër që lufta çlirimtare ka qenë e drejtë, legjitime dhe e pastër, tendencat e Serbisë të ndihmuar nga Thaçi dhe PDK-ja, e ndihmuar edhe nga subjekte të tjera, do të kenë kosto të rënda për historinë dhe UÇK-në”./PrizrenPress.com/