10.4 C
Prizren
E mërkurë, 5 Mars, 2025

Samir Karahoda dërgon Kosovën në Berlinale me filmin “Në mes”

Filmi “Në mes” i autorit Samir Karahoda do të jetë pjesë e garës ndërkombëtare të filmave të shkurtër “Berlinale Shorts”.

Kjo, rikujton KosovaPress, është hera e parë që një film nga Kosova pranohet në garën e Berlinales, që njihet si një nga festivalet më prestigjioze në botë.

Filmi trajton dy tema paralelisht; fenomeni i ndërtimit të shtëpive të njëjta dhe migrimin, e cila veçmas theksohet nëpër këto familje.

Nëpërmjet personazheve, portretizohet marrëdhënia dhe solidariteti në mes vëllezërve; sakrifica dhe vendosmëria e prindërve për të mbajtur harmoninë brenda familjes; kuptimi dhe rëndësia e shtëpisë dhe shpresës në mes kthimit apo jo në vendlindje.

Autori i filmit Samir Karahoda është shprehur i lumtur që filmi i tij debutues si regjisor është vlerësuar nga ky festival prestigjioz.

“Në mes” është inspiruar nga projekti fotografik “Vëllezërit Kosovarë” në të cilin Karahoda ka punuar në vitin 2011.

Producenti i filmit Eroll Bilibani theksoi që ky fakt edhe njëherë dëshmon për kapacitetet kreative të kinematografisë kosovare.

Filmi është prodhim i SK Pictures, i mbështetur nga Qendra Kinematografike e Kosovës, Banka për Biznes, Komuna e Prizrenit, Komuna e Prishtinës dhe DokuFest.

Premiera e filmit në Berlinale do të jetë me 12 shkurt.

Më Shumë

AAK-ja në Prizren dënon aktin e grisjes së Kuranit

Kryetari i Degës së Aleancës për Ardhmërinë e Kosovës (AAK) në Prizren, Besnik Krasniqi, ka reaguar pas publikimit të një video-incizimi ku shihet një...

Vashat e Bashkimit të pandalshme – fitore e thellë ndaj Trepçës në Mitrovicë

Bashkimi po vazhdon me formë të jashtëzakonshme në garat vendore. Vashat prizrenase shënuan fitore të radhës në garat e elitës te femrat, duke fituar ndaj...

Jam ky që jam

Lajmet e Fundit