Presidenti i vendit, Hashim Thaçi ka shprehur ngushëllime familjes Sope nga Zhuri ku si pasojë e një aksidenti ata humbën tre anëtar të familjes.
Përmes një postimi në llogarinë e tij në Facebook, Thaçi ka shkruar se i shpreh ngushëllimet më të thella dhe bashkohet me dhembjen e familjes Sopa.
“Humbja e jetës së tre anëtarëve të familjes Sope në aksidentin tragjik është pikëlluese për gjithë qytetarët e Kosovës. Familjes Sope i shprehim ngushëllimet më të thella dhe bashkohemi me dhembjen e saj të madhe”, ka shkruar Thaçi.
Gjatë ditës së djeshme kanë humbur jetën tre persona si pasojë e një aksidenti në aksin rugorë Prizren – Vermicë, ku viktimë kanë qenë babai me dy djemë të tij.