Përveç punësimeve partiake e familjare të VV-së, në komunën e Prizrenit ka degradim të kulturës dhe të sportit, ka thënë Shaqir Totaj, kryetari i sapozgjedhur i Degës së Partisë Demokratike të Kosovës në Prizren.
Ai ka theksuar se premtimet elektorale të VV-së nuk kanë qenë të sinqerta, duke përmendur dështimin e komunës së Prizrenit në realizimin e objektivave për kulturë e sport.
“Aktorët e “Teatrit Bekim Fehmiu”, ka 5 – 6 muaj që janë pa paga, festivali i këngës qytetare “Zambaku i Prizrenit”, nuk është mbajtur fare, SHKA “Agimi” i është kushtëzuar përkrahja me emërime politike në Bord, “KF Liria” është para rënies nga Superliga, “KB Bashkimi” vitin e kaluar kampion i Kosovës dhe nën kampion Ballkanik në basketboll, sivjet është në fund të tabelës”, ka shkruar Totaj në facebook.
Tutje Totaj, ka theksuar se Prizreni meriton më mirë dhe, sipas tij, si pasojë e paftësisë qeverisëse të koalicionit, siç e ka quajtur ai, të panatyrshëm po goditet, pos tjerash, edhe kultura e sporti në këtë qytet