Kryetari i Prizrenit, Mytaher Haskuka, ka vizituar drejtorin e Drejtorisë Rajonale të Policisë, Faton Alija.
Ata janë dakorduar për funksionimin e disa zyrave të reja policore.
“ Janë pajtuar që të funksionalizimet një zyre e policisë në qendër të qytetit në ‘Shatërvan’, një në Stacionin e Autobusëve si dhe të fillojë punën zyra e Policisë në fshatin Gjonaj të Prizrenit”, thuhet në njoftim të Policisë në Prizren.
Gjatë ditës së sotme, Drejtorinë Rajonale të Policisë në Prizren, e ka vizituar edhe ministri i Zhvillimit Rajonal Rasim Demiri, si dhe komandanti i Kompanisë së Deminimit në Prizren, major Gëzim Sada me bashkëpunëtorë.
Nga ana e drejtorit kolonel Faton Alija, mysafirët janë njoftuar me situatën e sigurisë e cila është cilësuar e qetë dhe stabile, si dhe masat që janë ndërmarrë kohët e fundit për parandalimin e të gjitha dukurive negative.
Drejtori rajonal i falënderoi të gjithë për vizitën dhe shprehu gatishmërinë për bashkëpunim të mëtutjeshëm./PrizrenPress.com/