Kryetarja e Alternativës Demokratike të Kosovës(ADK) Edita Tahiri tha se qyteti i Prizreni ka potencial të mëdha turistike si në planin e trashëgimisë kulturore ashtu edhe në bukurit natyrore.
“Prandaj, ADK-ja ofron një program vizionar për ta bërë Prizrenin margaritar të turizmit botëror ”, tha Tahiri.
Dega ADK-së në Prizren mbajti të shtunën një tryezë për turizmin me temën “Turizmi një sektor strategjik për zhvillimin e ekonomisë komunale”. Në këtë tryez ishte e pranishme edhe kryetarja e këtij subjekti politik Edita Tahiri
“ Duke marrë parasysh lidhjet tona të fuqishme me faktorët relevant ndërkombëtar që kemi do të angazhohemi që Prizreni të hyjë në UNESCO”, tha Tahiri.
Ajo tha se ADK-ja konsideron se turizmi është një sektor strategjik për zhvillimin e ekonomisë komunale. “Programi i ADK-së për turizmin ka për bazë vlerat e veçanta turistike të komunës së Prizrenit”./PrizrenPress.com/