Kandidati i PDK-së për kryetar të Komunës së Prizrenit,Ramadan Muja i shoqëruar nga Ministri i Punëve të Jashtme Enver Hoxhaj dhe kandidatët për Kuvendin Komunal të Prizrenit, ka vazhduar fushatën elektorale në Mushnikovë.
Muja me banorët e këtij fshati ka bashkëbiseduar për të arriturat e këtij fshati dhe në përgjithësi për fshatrat e Zhupës.
“Përkrahja e banorëve të Mushikovës ka një rëndësi të madhe për PDK-në, sepse me ndihmën dhe përkrahjen tuaj do të jemi edhe më të fuqishëm në realizimin e të gjitha premtimeve”.
Ministri i Punëve të Jashme, Enver Hoxha, ndërkaq kërkoi me ngulm që të votojnë për PDK-në dhe kandidatin e saj Ramadan Muja.
Ai premtoi se në këtë fshat do të investojnë edhe disa ministri të Qeverisë së Kosovës e ndër investimet e para do të jetë ngritja e shkollës edhe në një kat.
Ndërsa kandidati i këtij fshati Sedat Bajrami pasi ka falënderuar kryetarin Muja ka theksuar se “ puna e drejtë dhe e sinqertë e Qeverisë Muja më ka nxitur që të bëhem kandidat i PDK-së”.
“ Të gjitha kërkesat e banorëve kanë hasur në mirëkuptim dhe janë përmbushur . Andaj po e shprehi edhe vullnetin e qytetarëve tjerë se Mushnikova është e përcaktuar për PDK-në”.
Ai ka numëruar disa nga projektet e realizuara siq janë kanalizimi i fshatit, renovimi i shkollës, ndërtimi i qendrës kulturo – sportive , rrugët që lidhin fshatin me shkollë janë vetëm disa nga projektet që na bëjnë të ndihemi më mirë në fshat. /PrizrenPress.com/