Policia ka arritur të sekuestrojë katër armë zjarri nga qytetarët në rajonin e Prizrenit të cilët i posedonin në mënyrë ilegale.
Bëhet e ditur se tri nga armët janë konfiskuar në komunën e Suharekës, në raste të veprave penale ‘shkaktim i rrezikut të përgjithshëm’.
Sipas policisë njëri nga rastet ka të bëjë me lëndim nga arma e zjarrit, me ç’rast viktima është trajtuar nga mjekët, por rasti nuk është raportuar tek organet e rendit dhe kanë tentuar ta fshehin.
“Pas një punë intensive të hetuesve dhe një informacioni të pranuar, Policia ka arritur të zbulojë të dyshimtin për rastin i cili ka ndodhur me datën 18.06.2019 në një fshat të komunës së Suharekës”.
“Në dy raste dyshohet se armët janë përdorur gjatë ahengjeve familjare.
Ndërsa në rastin e katërt Policia në Stacionin Policor Veri në Prizren ka arritur të gjejë dhe të sekuestrojë një armë”, thuhet në njoftimin e policisë