Gjykata Themelore e Prizrenit, Departamenti i Përgjithshëm Penal, duke vendosur sipas kërkesës së Prokurorisë Themelore të Prizrenit, ka caktuar masën e paraburgimit në kohë zgjatje prej 1 (një) muaji, ndaj të pandehurit me iniciale F.A. nga Prizreni, për shkak të dyshimit të bazuar se ka kryer veprën penale, lëndim i lehtë trupor nga neni 185 paragrafi 3 pika 3.2 e lidhur me nenin 248 të KPRK-së, njofton gjykata, përcjell PrizrenPress.
Sipas gjykatës, masa e paraburgimit do të llogaritet prej datës së arrestimit 15.08.2019, nga ora 01:30 minuta, dhe do të zgjasë deri më datën 15.09.2019.
Gjykata bënë të ditu se me datë, 15.08.2019, rreth orës 17:00 minuta, në banesën e përbashkët e cila gjendet në rrugën “Dëshmorët e Prekazit”, në Prizren, i pandehuri me dashje përdor forcën ndaj personit tjetër –bashkëshortes së tij me iniciale Sh. T., në atë mënyrë që pas një mosmarrëveshje dhe fjalosje paraprake e sulmon fizikisht të dëmtuarën duke e goditur me thikë në vetullën e djathtë. Me këtë janë plotësuar kushtet ligjore nga neni 187 par.1 nën par.1.1 të Kodit të Procedurës Penale të Kosovës (KPPK-së) për caktimin e masës së paraburgimit, kurse a do të argumentohen këto fakte do të vlerësohet në fazat e mëtejme të procedurës penale. /PrizrenPress.com/