Sot në Shtëpinë e Kulturës “Xhemajli Berisha” u organizua programi përmbyllës i manifestimit të “Javës së Remzi Ademajt”, ku mbi 1200 nxënës nga rreth 40 shkolla morën pjesë në aktivitete të ndryshme sportive, kulturo-artistike dhe në kuize të diturisë.
Gjatë këtij programi kryetari i Komunës së Prizrenit, Mytaher Haskuka, drejtoresha e Drejtorisë Komunale të Arsimit, Xhemile Thaçi Vezgishi dhe familjarë të dëshmorit Remzi Ademaj ndanë shpërblime dhe mirënjohje për nxënësit e dalluar të këtij edicioni, si dhe për koordinatorët dhe mësimdhënësit të cilët kontribuan në organizimin e kësaj jave.