Në fshatin Gjonaj të Hasit është vënë gurthemeli i Qendrës së Mjekësisë Familjare.
Objekti i ri do ta zëvendësojë atë të mëparshmin, i cili ka qenë i ndërtuar në vitet e 80-ta dhe nuk i ka plotësuar standardet e nevojshme për funksionim të duhur.
“Sot me vënien e gurthemelit të këtij objekti, kemi filluar ndërtimin e QMF-së me sipërfaqe prej 500 m², e cila do të ketë hapësirë të mjaftueshme për t’i përballuar kërkesat e të gjithë banorëve të kësaj ane për kontrolle mjekësore”, tha kryetari i Komunës, Mytaher Haskuka.
“Deri në përfundim të punimeve që parashihet të zgjasin rreth 7 muaj, banorët e këtij fshati dhe zonave përreth do të mund t’i kryejnë të gjitha shërbimet shëndetësore në Ambulanten e Mjekësisë Familjare në fshatin Krajk”./PrizrenPress.com/