Kandidati i LDK-së për kryetar të Komunës së Prizrenit, Eqrem Kryeziu duke iu drejtuar anëtarëve dhe simpatizantëve në tubimet zgjedhore në Lubizhdë, Krajk dhe në fshatin Atmaxhë tha se është momenti historik që të ndërrohet rrjedha e gabueshme çfarë ka marrë Kosova me këtë qeveri të papërgjegjshme.
“Vullneti dhe besimi gjërat e pamundshme i bënë të mundshme. Nuk ka energji më të mëdha se besimi. Kur hyra këtu dhe e pash këtë energji të njerëzve që besojnë te unë, isha shumë I kënaqur. Unë po shoh se te njerëzit tanë po kthehet besimi. Qytetarët kërkojnë ndryshime, ju jeni ata që po kërkoni ndryshime”, tha ai.
“Votojeni LDK-në dhe mos e çoni votën kot, sepse nëse LDK- vjen në pushtet do të hiqet vula e zezë e korrupsionit dhe krimit të organizuar”, tha ndër të tjera, Kryeziu.