Bartësi i listës së PDK-së, në Prizren Nijazi Kryeziu I shoqëruar nga kandidatët për Asamblenë Komunale dhe drejtori për Turizëm dhe Zhvillim Ekonomik, Samir Hoxha kanë vizituar Shoqatën e Zejtarëve dhe të Afaristëve të Komunës së Prizrenit.Gjatë kësaj vizite delegacioni i PDK-së, u prit nga kryetari i Shoqatës së Afaristëve të Prizrenit, Afrim Tejeci dhe shumë anëtar dhe afaristë tjerë të qytetit.
Kryetari i Shoqatës së Afaristëve, Afrim Tejeci, njoftoi delegacionin e PDK-së, për shumë nga sukseset dhe të arriturat që ka pasur Shoqata e Zejtarëve të Prizrenit.“Shumica e këtyre të arriturave që zejtarët dhe afaristët e Prizrenit, janë si rezultat i përkujdesjes dhe bashkëpunimit të ngusht që kanë pasur dhe kanë me komunën e Prizrenit, kryesuesin dhe kryetarin aktual të Prizrenit, Prof. Dr. Ramdan Muja”, tha Tejeci.
Bartësi i listës së PDK-së. Nijazi Kryeziu, pasi u njoftua për të gjitha sukseset, por edhe brengat që kanë zejtarët dhe afaristët e Prizrenit, iu premtoi bashkëpunim të mëtutjeshëm kategorisë më të çmuar të qytetit tonë siq janë zejtarët dhe afaristët e Prizrenit.“PDK-ja e cila qeverisë me Komunën e Prizrenit, ka qenë dhe do jetë mirënjohëse Shoqatës së Zejtarëve për gjithçka që kanë bërë deri më tani dhe garantojë se në seancën e parë pas konstituimit të Kuvendit Komunal, do themelohet Këshilli komunal për investime i cili do jetë kryesisht i përbër nga Shoqatat e Zejtarëve”, tha Kryeziu.
Gjithashtu gjatë diskutimit është përmendur edhe fakti se komuna e Prizrenit ka kohë që ka bërë të gjitha hapat e duhur dhe konkret që të procedojë me investimet e investitorëve në zonën industriale, e cila gjendet pesë kilometra në dalje të qytetit në fshatin Lubizhdë, i cili ka një sipërfaqe prej 84 ha dhe ajo shumë shpejt do jetë në funksion të bizneseve vendase dhe të huaja është, sepse drejtoria e Turizmit dhe Zhvillimit Ekonomik ka filluar me investime në rregullimin e infrastrukturës përcjellëse për këtë zonë industriale është shprehur bartësi i listës së PDK-së, Nijazi Kryeziu/PrizrenPress.com/