Kryeshefi ekzekutiv i Telekomit të Kosovës, Bedri Istrefi në një konferencë për media, ka thënë se Ministria e Inovacionit ka mundësi ta mbështesë këtë kompani, në mënyrë që Parkun e Inovacionit në Prizren t`u jepet në përdorim për trajnim të punëtorëve.
“Aktualisht Telekomi këto programe i ka zhvilluar në një objekt me qira që është shtëpia e vëllait të Rrustem Mustafës”, ka bërë të ditur Istrefi.
Sipas tij, Telekomi e posedon CISCO dhe Microsoftin, të cilët do të vihen në dispozicion për qytetarët, me një çmim minimal.
Ndërkaq Muzafer Shala, ministër në detyrë i inovacionit ka thënë se kjo ministri do ta mbështesë Telekomin.
“Ne kemi vendosur që qiraja të jetë e lirë për ta 0.50 cent për metër katrorë. Por, ne do ti shfrytëzojmë edhe këto programe për qytetarët e tonë”.
Aktualisht në Parkun e Inovacionit dhe Trajnimeve janë strehuar familje nga Shqipëria, të cilët u goditën nga tërmeti i 26 nëntorit të vitit të kaluar. /Koha.net