Pritja e diplomatëve japonezë nga zyrtarët e Komunës së Prizrenit ka irrituar përfaqësuesit nga opozita, si dhe aktivistët nga shoqëria civile.
Këta të fundit kanë shprehur pakënaqësinë që në takimin me zyrtarët japonezë, Komuna e Prizrenit është përfaqësuar nga stafi mbështetës i kryetarit të Komunës. Sipas tyre, legjislacioni në fuqi parasheh që nënkryetari i Komunës të veprojë në emër të kryetarit në mungesë të tij, shkruan sot “Koha Ditore”.
Këta janë super-filmat që mund t’i shikoni këtë fundjavë në Cineplexx
Shefi i grupit të këshilltarëve të AAK-së në Kuvendin e Prizrenit, Ilir Baldedaj, ka theksuar se me këtë qasje edhe një herë është vërtetuar joserioziteti i Ekzekutivit lokal në drejtimin e Komunës.
“Përfaqësimi i Komunës së Prizrenit në takim me zyrtarët japonezë nga shefja e kabinetit të kryetarit, që është staf mbështetës, paraqet degradim të skajshëm të qeverisjes lokale”, ka thënë Baldedaj. S
ipas tij, në këtë rast janë vërtetuar edhe një herë pretendimet e tij se “shefja e kabinetit, Krenare Koqi është kryetare e Komunës së Prizrenit dhe jo ‘turisti’, Mytaher Haskuka”. “Në këtë situatë shtrohet pyetja se a ka nënkryetar kjo komunë”, ka deklaruar Baldedaj, duke shtuar se në mungesë të kryetarit, përfaqësimin e Komunës do të duhej ta bënte nënkryetari.