Mino Raiola është një nga agjentët më të suksesshëm në botë. Ai zotëron të drejtat e shumë emrave të mëdhenj dhe preferon t’iu ndërrojë shpesh skuadër. Kjo ndikon që tifozët ta urrejnë, por ai vazhdon punën e tij.
Disa ditë më parë u shpreh se do të transferojë një lojtar të madh te Real Madrid këtë verë. Në fillim u përfol për Pogba, pastaj për Haaland, teksa tani ka dalë në skenë një emër i ri. Sport.es raporton se bëhet fjalë për Matthijs De Ligt.
Agjenti i ka propozuar Realit shërbimet e mbrojtësit holandez, i cili verën e kaluar u transferua te Juventusi. Sergio Ramos po plaket dhe De Ligt shihet si zëvendësuesi perfekt i kapitenit. Raiola është gati të nisë punën për transferimin e 20-vjeçarit në Madrid, mjafton që Perez dhe Zidane të japin konfirmimin e tyre.