Thomas Strakosha është një nga pikat më të fortë të Lazio, ndaj edhe në klubin Italian po mendojnë prej kohësh t’ia rinovojnë kontratën, edhe pse aktualja i përfundon më 30 qershor të 2022. Synimi është për ta zgjatur edhe me tre vite të tjera, por duhet gjetur gjuha e përbashkët për anën financiare.
Momentalisht Lazio është e gatshme të ofrojë 1.5 milion euro dhe me bonuse përfitimet e portierit të shkojnë deri në 2 milion euro. “Radio Goal 24” shkruan se Strakosha pretendon më shumë, për shkak të sezonit që ka bërë, duke pësuar vetëm 23 gola. palët janë në bisedime dhe mbetet të shihet se si do të shkojnë.
Lazio për momentin nuk shqetësohet, por nëse nuk ka rinovim do të duhet ta mendojë ta shesë dhe raportohet se Tottenham vijon ende të jetë i interesuar për shërbimet e portierit të kombëtares shqiptare. Gjithashtu edhe Everton, i drejtuar nga Carlo Ancelotti është në garë për portierin.